wenn de Ideene hesch für do dri...

so chasch mer maile....

Jede Monet het sini ganz individuelle Schönheite wo ni gärn ha u o pflege.

Das isch mis Sammelsurium vo Ideenä - Gschichte oder nume Stichwörter si für mi immer wider Inspiration für Neus...

Bewusst finget  dir hie keni Aleitige oder gnaui Rezäpt!

Wi gseit äs isch ä Wärchstatt u sisch aus agfange aber nüt isch fertig, s’ wird immer dranne gschaffet!

Vor Johre amene erschte Advänt, und ig ha dä stimmigsvou Monet so gärn, wo nig ha der Wiehnachtsboum gschmückt, isch mir so düra Chopf gange, dass eigentlech jede Monet im Johr ganz spezieu und sehr schön isch, sini Eigeheite het; ds Wätter, d'Natur, üses Befinde, d' Ritual, z' Ässe, und, und, und .... mi söt's nume meh pflege hani dänkt.

Mängisch i der Hektik merke mer gar nid, das scho wider ä Monet verbi isch und dass eigentlech Chirsizit wär gsi...

A däm Tag ha ni mit mim Johreszitebuech agfange. Äs isch es Sammelsurium vo Ideenä, Erinnerige, Rezäpt, Checklischte, und so witer.. Ig bruches us Inspiration einfach zum immer wider aluege, wider öppis iz trage oder ine z chläbe, mi mit äm grad aktuelle Monät usenangerzsetze  oder eifach drinne z'verwile - ds Johreszitebuech schribt nüt vor und äs isch offe für neus, äs lot mi eifach lo mache! Was use chunt drbi chani de aube am German präsentiere und är isch ä grosse Fän dervo! Ar isches ou wo mi het motiviert das Ganze uf d’s Internet zbringe.